回答網友查詢

歡迎提出有關植髮、脫髮、禿髮的問題,我們不懂的會代你請教專家,但因時間關係 (夜晚要兼職),未必能即時或一一回答,請諒!

經常收到網友的查詢,但很多是涉及私人問題,或與本港某植髮中心有關,故祇能私下回覆,不便公開刊登。

  2014  |  2013  |  2012  |  2011  |  2010


日期: 七月四日 2014
gender = 男性

問: 你们可以为HIV携带者植发吗?

答:香港植髮網不提供植髮服務,請自行聯絡各植髮中心,一般植髮中心未必會提供服務,絕非歧視,而是控制感染有難度。
醫院通常無原因拒絕,因一般醫院都有獨立部門處理 Infection Control,不妨致電查詢。


日期: 六月三十日 2014
gender = 男性

問:上個月終於去見醫生
可能因為仲後生(21),醫生同我講一定要食藥(保xx),如果唔食就唔好搞。
我應該係Type 3, 保xx應該唔太幫到髮線,只係防止頭頂以後脫髮。
好想問保xx既副作用係咪真係網上講得咁嚴重?有無人食完係無副作用?我太後生食會唔會唔係咁好?
因為醫生話第一步係要我食4個月,我好想行出第一步去改變自己,好想問清楚,有定心理準備。

答:有五十万人上街遊行,算唔算嚴重?
但有六百五十万人冇上街喎?
上網講到保XX有副作用的究既有幾多人? 一兩個? 十幾個? 幾百個? 幾千個?
全球又有幾多人食緊呢? 起碼幾百萬,甚至幾千萬,呢班人係未儍架?
食唔食藥係睇需要,如果你覺得性無能嘅威脅遠遠超過你三十歲後被人叫光頭叔叔的不安,那千萬不要服,人生最難之事便是作取捨。
當你有定心理準備性冇能,你有很大機會冇能,呢 D 叫做「心想事成」。
多口問句,你現有 21 歲平均每個月性行為多少次? 你究竟驚D乜嘢呢?


日期: 六月十日 2014
gender = 男性

問:本人有脫髪問題,想睇醫生又唔知睇邊間,可否給預我建議

答:www.hair38.com - 唔洗錢嫁!


日期: 六月二十五日 2014
gender = 女性

問:通常二千束幾錢?

答:間間唔同,有平有貴,有D係直情做唔到2000束...


日期: 六月二十三日 2014
gender = 男性

問:假設我長期都 keep 住用 Minoxidil 嘅話,但係 5 年之後停藥,開始甩嘅程度會去到點? 開始甩額角,定係甩係一開始都冇用嘅程度?,因為我阿哥大我 4 歲,個頂都幾疏吓。

答:唔知! 可能會超過一開始都冇用嘅程度。因你5年之後肯定差過而家,所以你停藥後會变左你 5 年後應有既 Look。


日期: 六月二十二日 2014
gender = 男性

問:本人己決定植髮, 但在香港那間植髮中心比較好?或是找台灣 X 醫生呢?兩者那一方比較好呢?

答:各有好處,建議見左医生睇下邊个乎合你的要求才決定。


日期: 六月十日 2014
gender = 男性

問:本人有脫髪問題,想睇醫生又唔知睇邊間,可否給預我建議

答:www.hair38.com - 唔洗錢嫁!


日期: 六月四日 2014
gender = 男性

問: 本人29 歲,21歲開始禿。剛開始吃保記和考慮植髪!
想請問有在香港做完植髪的人有失敗例子嗎? 最擔心做完效果也不好。
資詢過 XX 2500 束收費 HKD XXXXX,但我怎知他到底植了多少束。

答:做完植髪失敗例子大有人在,當然要擔心做完效果不好,唔係為咁我地攪個網為乜?
XX 如何令你相信他們遵受承諾移植 2500 束,應由他們回答。


日期: 五月二十日 2014
gender = 女性

問:我明白這網站不推銷任何植髮中心,但真想問些中肯意見邊間做女性髮線較好,謝謝!

答:講左就變左推銷,這個網向來都有 D 偏激,意見肯定唔會中肯。衹可以講微創 FUE 技術冇可能做到女性髪線,除非後枕剷光晒。


日期: 五月十九日 2014
gender = 男性

問:Hello. I am living and working in Guangzhou, China and am seriously looking for the best way to restore my hair, which has become extremely thin on top. If possible, I would like to begin to do something about it this year. I would appreciate some specific information about your options/procedures and potential costs. Thank you so much!

答: This website is not owned by any hair transplant clinic. We do not perform online hair transplant procedure or medical consultation to any individual. The purpose of our work is to provide general information but not advertising.


日期: 五月九日 2014
gender = 男性

問:本人15歲,天生有M字額,可吾可以植髮?

答: 未到法定年齡,必需家長同意並簽儲手術同意書,問左佢地先啦!


日期: 四月廿七日 2014
gender = 男性

問:你好。我今年二十一歲。m字應該係type3
我見到你地之前講過二十幾歲未必有醫生肯植。
我想問如果真係植,(唔講價錢) 係香港定係台灣植最好?

答: 香港的乾炒牛河好食,定係台灣的牛肉麵好食?
呢過唔係香港台灣的地區性問題,而係你口味問題、廚師問題、食材問題、財政問題...
植髪一樣,是個別醫生的問題,當然我們不能在此為醫生評分,你要親身接觸感受一下,那位醫生能給你最大的信心,所謂人夾人緣是也。


日期: 四月六日 2014
gender = 男性

問:你好,我今天20歲,於18,19歲開始便有脫髮問題(光明頂),雖不至全數脫光,但十分顯眼,請問去做FUT是否可行?

答: 建議攜同家長去多幾間植髪中心,聽取醫生專業意見。


日期: 四月三日 2014
gender = 男性

問:你好,我在計劃植髮那一頁看到,頭頂轉位可以食藥和搽藥,我想問這些是什麼藥,在外面能買到嗎?還是要看醫生才有,可以提供資料給我嗎,謝謝

答: 有關內容可檢閱以下 C兄留言
非那斯特來 Finasteride 係香港要醫生處方,不要擅自購買。


日期: 三月廿四日 2014
gender = 男性

問:請問,香港哪一間診所有ARTAS植髮服務?
一般收費是多少錢植一株?
對比韓國,台灣 哪裡比較化算?

答: 香港沒有診所有ARTAS植髮服務,買泥做乜?
ARTAS 未係要醫生在場指揮部機械操作,係咁點解醫生唔直接取頭髪,而要咁間接?答案係部野係俾D唔相信自已可以叻過部機器的醫生用。
部野宣傳價值多於實用價值,咁大部野係香港地寸金尺土係好難引入,除非大醫院。
一般收費唔知,可自行向韓國,台灣查詢。
不要盲目迷信科技,你有冇見個機械人為病人割盲腸?


日期: 三月廿三日 2014
gender = 男性

問:保記幾錢到?
23歲,, 你話唔建議太年青植髮,一般幾多歲到建議可以植髮??

答: 保記四百蚊左右一個月,買隻5mg一開四就一百蚊個月。
幾多歲可以植髪因人而異。


日期: 三月十七日 2014
gender = 男性

問: 本人28歲,爺爺,外公,爸爸,叔叔,舅父都有雄性禿頭,6個月前發現右額開始稀疏,最近發現左額亦開始,算係1期。想請教如果睇醫生應該邊間比較適合?
廣告賣嘅倍X是否適合本人目前情況?
假如使用康X或倍X,是否使用到某個年紀就唔需要?
中途停用會否惡化?

答: 睇醫生應該邊間比較適合?通常都係睇家庭醫生甚至皮膚科醫生先,邊個好就唔方便講啦。
所有生髪藥物都係要長期使用,我唔擔心你額角,反正甩硬,藥石無靈。而係要搵醫生睇下你個頂開始甩未,係就趁早攪下佢 (唔係指植髪)。

問: 您好,非常感激您的回覆。本人已透過 www.hair38.com 睇咗免費皮膚醫生,醫生診斷後話個頂仲好濃密,並開咗 "regxin" 搽患處,希望過3個月後有好轉。 此藥顯示每次噴6次(1ml),如果情況有好轉,請問是否建議可以減少劑量(每次噴3次)或次數(1日1次)? 本人覺得個植髮網好有用亦幫到好多有頭髮問題嘅人,希望您有時間能夠幫到更多有需要嘅人。

答: 睇左醫生未好囉。
Regxin 祇搽有問題既部份,即係額角,千祈唔好成個頭都用,因為一唔用就好大鑊,身邊朋友停左幾個月就甩得好勁,包括本來冇事的頭髪。 聽醫生講一日一次都OK, 每次噴幾多下其實係睇範圍,額角一下都夠啦,但衹係會出毛毛,生唔長的,唔好太大期望,以免失望,同埋用左第一個月後係會甩多左,唔洗驚。


日期: 三月十七日 2014
gender = 男性

問: 你好,見到你們的網站有很多植髮的資訊,使本人了解植髮更多,亦看見你們對國內的植髮醫生/醫院都有一定的資訊或了解,所以想請問(深圳流花醫院)是否信得過呢?
看見他們是國家大型醫院,又說有多年經驗,成熟的FUE技術,又有相和合約支持等等,請問這間醫院是否真的信得過呢?你們對這醫院了不了解?因為本人對國內的醫院也有少少保留,專業的你們又有甚麼看法呢?謝謝。

答: 我們對流花了解極深,但網上批評隨時引來官非,同埋始終唔係香港既植髪中心,冇必要犯險。
始終都係個句,係醫生同你植髪,唔係醫院同你做,你見過醫生覺得佢俾到你信心咪得囉。

網頁內提到「傳統FUT手術術後會在後枕部留下一條難看的疤痕,而普通FUE雖然改善了這一缺陷,卻因為器械不夠精密等各種因素,在取髪部位會留下白色斑點狀疤痕, “高精密FUE無痕無痛植髪術”進行技術革新,徹底改變了二代FUE植髪時給人體後枕部造成的白點斑點狀疤痕的傷害,植髪後美觀效果達到最佳狀態,脫髪患者在通過毛髪移植不僅能夠恢複外表形象,而不留疤痕,毛囊成活率更高。」
你不如試下再話比我地聽係未真係咁神奇。後枕居然可以神不知鬼不覺咁移走左3000束頭髪又唔覺少左頭髪,真係神級高手。


日期: 三月五日 2014
gender = 男性

問: 想問一下 植髮價錢。

答: 植髮價錢由萬幾蚊(深圳), 到十幾萬不等,要睇下你做 FUE 定 FUT, 面積幾大,髪際要做乜款,係邊處做... 一般在香港預幾萬蚊係冇走雞的。


日期: 二月二十三日 2014
gender = 男性

問: 你好,請問有沒有認識的醫生或診所是可以做較詳細的頭髮皮膚檢查及血液檢測而不是只詢問病史,家人情況及目測?因本人想作辦認脫髪是否屬雄禿類型。

答: 我們沒有認識醫生或診所,願意為病人做較詳細的頭髮皮膚檢查及血液檢測,原因是診斷脫髪是否屬雄禿類型,根本無須驗血及作甚麼詳細檢查,衹有在決定是否適合植髪時才需要。


日期: 二月二十日 2014
gender = 男性

問: 我想問問捐髮區會唔會生番頭髮?
如果會係咪會少過以前好多?

答: 捐髮區係唔會生番頭髮,係會少過以前,所以:
1. 冇必要時唔好植住,留番真係有需要時用
2. 唔好貪多,係唔係都3000株
3. 唔好貪平,平既代價係拿拿林攪點,唔會好細心咁睇住你D毛囊 - 點樣可以好快速咁取得 2000 株靚既毛囊? 就係唔理死活咁抽取 2500 株毛囊,然後揀出好既 2000 株,將其餘500株扔掉!


日期: 二月二十日 2014
gender = 男性

問:你好,本人現年20歲 18歲開始脫髮 服用保記兩個多月,現時情況大約是3期vertex 但頭頂不太嚴重。
而家剪髮已經cover唔太到 同學都成日笑我係咪甩,都幾唔開心,所以想植髮搞掂佢。
香港某植髮所開價2500執 6xxxx
有兩個問題想問
1. 台灣植髮係咪會平好多
2. 係咪真係唔建議植髮 我心理上已經唔太受到壓力

答: 現年20歲 18歲開始脫髮 服用保記兩個多月,係唔會見到效果既,起碼要半年先至有野睇。
3期vertex,頭頂不太嚴重,成日俾同學笑,我知係好苦惱。但天理循環因果報應,笑得最勁個個遲D會甩得最勁,所以唔好唔開心 讀好D書考好D試,男人最緊要講實力,有邊個敢大大聲當住李嘉誠面叫聲:「光頭佬?」
你而家先至閞始,唔好咁快諗植髮,搞得今時搞唔到以後,遲D先啦,自己賺到錢先啦。

先回答你兩個問題:
1. 台灣植髮係咪會平好多 - 連埋酒店机票唔一定,要逐間打價;
2. 心理上唔太受到壓力,係唔可以係社會上生存,將來會俾同事跌女友飛波士炒... 失業破產不育性冇能血壓高生cancer... 3期vertex又算係乜丫?


日期: 二月十八日 2014
gender = 男性

問:我想植髮, 香港仁X定係去台灣好??

答: 你會唔會係仁X放蛇...
要我二者揀其一我會去台灣但衹會搵吳XX醫師,但呢個係我個人選擇,你可以唔贊成...
放蛇???


日期: 二月十八日 2014
gender = 男性

問:我參考左fue (冇疤, 快d好番?)同 urfut (平d, 一次抽毛襄數多d?)既分別, 認為urfut 需然有一條疤, 但做法較全面(唔係random抽) 同全部都係永久, 但係唔係一般都係 urfut 平?
點解全面d反而會平d? 唔知我理解有無錯, 請指教, 謝謝! 附上參考資料

答:FUE 同 URFUT 係價錢上的分別係醫生所付出的時間,即係醫生既時薪。以一天六至八小時總手術時間計算,URFUT 可以植到起碼 2400 束,而 FUE 大概 1200 -1500 束,呀唔好意思,佢地叫 2400 - 3000 條。咁係未 FUE 每條成本價係 URFUT 兩倍?






Get free Dreamweaver templates and extensions at JustDreamweaver.com