回答網友查詢

歡迎提出有關植髮、脫髮、禿髮的問題,我們不懂的會代你請教專家,但因時間關係 (夜晚要兼職),未必能即時或一一回答,請諒!

經常收到網友的查詢,但很多是涉及私人問題,或與本港某植髮中心有關,故祇能私下回覆,不便公開刊登。



日期: 十二月十二日 2013
gender = 男性

問:您好,我是國內人士。
國內的植发机构比较多,介绍良莠不齐,我更相信港台的机构,冒昧向您提问。
最近在关注植发,我应该属于V级左右的,据我最近了解的植发技术,有fut、fue、还有一种统称为加密技术,各家的名字不一样,不知道是自己篡改的技术还是引进的;
哪一种最好呢?据说最后一种成活率最高,fut的要拿刀切后脑一块头皮,弄不好会产生头痛,而fue的没有疤痕还成活效果高,是这样吗。
任何一种种植技术,如果医师的技术能力没有大问题,后期保养也遵医嘱咐,成活率是不是都比较高?
植发几个星期后是不是先植的头发会先脱落,三个月后重新长出新头发?术后要注意些什么吗?还请解答!

答: 你好!
大陆的植发机构比较多,介绍良莠不齐 - 同意
植发技术,有fut 同 fue -
还有一种统称为加密技术 - Fut 同 Fue 都可加密,所以加密是植髮目的,而非指技術
哪一种最好呢?属于 V 级左右的,當然是 FUT。
据说 FUE 成活率最高 - 廢話
Fut 的要拿刀切后脑一块头皮,弄不好会产生头痛 - 是切一塊皮,大概 0.5cm 厚,但與后腦無關,連頭骨都沒有碰过,何來头痛?
而 fue 的没有疤痕 - ????? 你信從後枕打二千個孔会冇疤?
fue 还成活效果高 - 絕對廢話
任何一种种植技术,如果医师的技术能力没有大问题,后期保养也遵医嘱咐,成活率是不是都比较高?- Yes ! FUT 一定高于 FUE, 國際公認、不爭之事实。但很多吹捧 FUE 的醫生是不懂 FUT,兩樣都懂的醫生不會推薦 FUE 。
植发几个星期后是不是先植的头发会先脱落,三个月后重新长出新头发?- 四個月
术后要注意些什么吗 - 每種技術不同,要直接问醫生。




日期: 十二月八日 2013
gender = 男性

問:請問脫髮想睇e生, 喺咪要睇專科e 生,定政府街証都ok ,專科係咪要睇皮膚科

答: 政府醫生係唔会啋你架! 呢度有免費醫生睇! 。




日期: 十二月十三日 2013
gender = 男性

問:想请问下做鬍鬚移植的人多吗 香港边间医院或机构做鬍鬚移植最好?

答: 香港做鬍鬚移植的人不多,提供鬍鬚移植的醫生更少。 應該衹有三間可供選擇,邊間好就唔方便講啦! 。




日期: 十二月三日 2013
gender = 女性

問:美人尖大概價錢?

答: 睇你個尖要幾大。每間中心會有最低收費,要留意。




日期: 十一月廿二日 2013
gender = 男性

問:你好 本人今年21歲,2-3年前開始出現M字額,想問醫生意見及植髮收費及植髮範圍,想知醫生診金所有收費價錢

答: 醫生診金由免費 (皇家) 到 HKD 1,000 (仁安) 不等。 植髮收費及植髮範圍你應該直接問醫生! 21 歲有冇醫生肯同你做都未知。




日期: 十一月十六日 2013
gender = 男性

問:I am 25 YO, from Malaysia.
I am facing hair line rising up problem since 2006, but that time still not very obvious, recently i think my hair become lesser and lesser (Norwood Type III) and luckily my back-head still have a lots of hair.
Price, quality & recover time is my concern as i am staying in Malaysia & is an Sales engineer need to face customer every day.

Question:>br> 1. Typically how much the price for Norwood Class III?
2. What is the recovery duration for hair transplant, (I meant in fully natural hair line.)
3. Malaysia is hot in climate, will it influence the quality of transplant?
4. How many day did need to stay in HK for operation?
5. What procedures i need to do as i not HK citizen?
6. Paying method for foreigner, i don't want carry money around me all the time?

答: Regarding your questions:
1. Surgical fee depends on which clinic you are seeking service. Expect to pay a bit more for better quality work. There's no free lunch.
2. Recovery duration for hair transplant varies from few days to a week, depending on the postop protocols of each clinic.
3. Hot climate will not influence the quality of transplant unless you have a sunburn. the body temperature is already 37.6!
4 - 6. I cannot answer this question on behalf of the clinics.

Welcome to Hong Kong. You make a good choice!




日期: 十月三十日 2013
gender = 男性

問: 1)本人25 沒有m字 但近期發現頭頂開始變疏 頭髮變得幼細 明顯看得出後面的頭髮粗過前面的頭髮 每次洗頭都甩好多 咁算係第幾期脫髮?
2)另外我見到好多人都食 保康x 對我又有冇用?
3)保康x有嘅副作用本人好清楚 想問呢隻藥係吾係要醫生處方先可以買?
4)現時價錢是多少?

答: 1)算係 III vertex 期脫髮。但其实分類祇可作参考。
2)保康x 對你會有用。
3)保康x 係醫生處方先可以買。當然有药房冇醫生紙都會賣俾你,但都係由醫生評估左先安全D。
4)現時價錢 HKD 370 - 450。




日期: 十月廿七日 2013
gender = 男性

問: 我而加20出頭,,其脫髮問題已經開始嚴重加上中間及前面M字位開始變細變幼..我比較介意別人目光 我應進行植髮? 我希望植髮可以加密髮量。

答: 你的情況很令人担心。最重要先拖慢毛囊萎縮的速度,唔再甩己經偷笑。快快睇医生開保記食住先,過一兩年冇再惡化再考慮植髮。 




日期: 十月三十日 2013
gender = 男性

問:有關m額問題 本人22歲 早一年發現前額開始有向上既情況 是不是用5% 能幫助 如果只茶光頹位置會影響其他位置? 如果停用是否會狂脫?

答: 有關 m 額問題,發現前額開始有向上既情況, 最好方法是用5%,但衹能期望出番 D 毛毛,千萬不要茶無事的其他位置。 如果停用是會狂脫,所以無恒心唔好用。




日期: 十月廿七日 2013
gender = 男性

問: 深圳或廣州有什麼信用比較好的植髮醫院介紹..謝謝

答: 你應該問下深圳或廣州有冇信用比較好的植髮醫生,因同一間植髮醫院,医生水平可以很參差。我们對國內情況不了解,恕難推介。




日期: 十月二十日 2013
gender = 男性

問: 我今年20歲,近排發現髮線中間有個位寧寧舍舍有d頭髮, 其實應該話果個尖位兩側凹左落去先岩,我估應該係脫頭髮既問題...
我想問我應該點做,係咪應該睇醫生問下原因先,我想問見一次醫生大約幾多錢?

答: 你的情況可能是早期的 Class III。應敷睇下醫生先,因鬼剃頭有時望落差唔多,治療多係外用 Minoxidil 5%。價錢係問醫生,由百幾到千幾不等。




日期: 十月一日 2013
gender = 男性

問: 本人38歲,大約在type2 同 type3 vertex 之間,請問現時香港植髮方式有什麼選擇?

答: type2 同 type3 vertex 之間, 一般不建議植髮,睇定D 先。




日期: 十月二日 2013
gender = 男性

問:西醫醫治班禿是否只用倍健?因為我本身已經使用倍健。

答: 如有班禿應及早找西医治療! 否則會漫延。可要求家庭医生轉介皮膚專科,保記無用,植髮不宜,速速行動!




日期: 十月一日 2013
gender = 男性

問: 我30歲,有M額約係2期3期,食左保記1年後脫髮慢左.如想考慮植髮,是否應先停藥等頭髮甩定左先? 點先算係甩定?

答: 想考慮植髮,千慢不要停藥,做左前面最担心係甩後面,特別係30歲,有M額約係2期3期,一般都會要求髮線低D。冇嘢叫做甩定,有生之年 ...




日期: 九月二十八日 2013
gender = 女性

問:你好. 本人天生額高. 請問如果身體狀態良好, 後枕頭髮不稀疏, 是否可做植髮?謝謝

答: 天生額高. 如果身體狀態良好, 後枕頭髮不稀疏, 可做植髮! 建議多看幾間因效果差異很大。




日期: 九月十六日 2013
gender = 男性

問:想問下美人尖同初期M字額點樣區分?
我20歲,咁我以前又無乜留意.. 真係唔知天生定後天,影左D相同埋上載左D, 唔介意的話 可唔可以幫我睇下,同埋比D意見我,如果真係 M字額,食藥定茶藥好/ 定係暫時唔好洗理佢住。

答: 與你幾年前的相比較,年紀大左係唔會突然有美人尖。應該是雄性禿初期。看上去是整個髮線上移,所謂美人尖是中間退得較慢。不宜植髮因範圍太窄,植了過幾年又要再植,可先用 5% Minoxidil 衹塗前邊减慢上移速度。




日期: 九月十五日 2013
gender = 女性

問:你好,我今年40歲女性,未到20歲便有脫髮問題,頭頂稀疏,今年7月23日接受植髮手術,手術後大概兩週後頭髮更大量脫,主要為植髮區,捐髮區影響不大,故令原本少的區域,顯得更少,出現差不多河童頭,醫生說祇是臨時性,大概2-3個後會長出,雖近來已沒有再出現大量脫髮...有中文網站像較少出現原來植髮後會有一段時間,脫得更利害,英文網站則有叫shock loss,以你經驗,真會長回麼?會否比植髮前頭髮會多?現心情認真低落。
我是奇怪,為何植髮後不足一個月會有如此嚴重脫髮,我是在 XXXX 做,大概1500束,用了差不多$70000,近來沒那麼嚴重,我估計已脫到無可再脫,集中頭頂位。

答: 有關 XXXX,恕不置評,有關 Shock Loss 本網已有詳盡解釋,請看看:
http://www.hongkonghair.com/post.html

Shock loss 可分短暫性及永久性,大部份會於四個月後重新長出,不用太担心,女性做植髮,預左甩頭髮。可考慮使用蓓健 5%,但必須先得醫生同意,否則會將責任轉嫁給你,千萬不要自行處理!
市面上有隻專食頭髮的維他命Hair and Nail,可以進補一下,外國有醫生建議多飲牛奶,頭髮會出快D。




日期: 九月十四日 2013
gender = 男性

問: 本人22歲,髮線中間有個尖尖位生左頭髮凸出黎,但係我記得我17 16歲個時髮線係一條線咁 中間無凸出黎,咁我係唔係即係開始出現M字額,因為我見M字額D人中間又係有個尖尖咁..好擔心。
如果真係髮線後移 係唔係現金科技無得醫。咁應該點改善好 ? 其實係擔心咁後生就前禿。

答:有機會係開始髮線向上退出現M字額。 但速度因人而異唔洗太驚。現金科技有方法改善,建議揸下5% 倍健,一日一次,衹揸前邊髮線位冇頭髮嘅位置。




日期: 九月十日 2013
gender = 男性

問: 本人廿五歲,由十四歲開始已經有M字額(TYPE2)問題,十一年裡都維持這個髮線高度。由於其他地方的頭髮都算濃密,所以頭髮向前梳一直都可遮掩額高的問題。
髮線的問題一直沒有惡化,亦沒有改善,可惜在這半年來,前額中上的頭髮(M字的中間)開始堆積又厚又大的頭皮,抓破後又會流膿,然後又堆積,我很怕它們(頭皮)會擠壓我的毛髮,令他們變幼或折斷,或者阻塞毛囊,令頭髮不能再生,不想抓它但一看到又想弄走它,令人很頭痛。我有用Hxxx&Sxxxxxx去屑洗髮水,反而情況更嚴重,甚至令頭頂出油。
我想問頭皮與脫髮有直接關係嗎? 十多年來(應該是停止發育至今)髮線都沒有改變,我適合做植髮嗎? 頭皮多會影響植髮(手術前後)? 食什麼藥可改善我的情況(髮線和頭皮)?

答:前額中上的頭髮(M字的中間)開始堆積又厚又大的頭皮,抓破後又會流膿,然後又堆積,可能是銀屑病 Psoriasis (見圖 from yahoo),應見醫生確診。可暫時使用 Polytar Shampoo (藥房有售)。 暫時不要担心M字額吧。

psoriasis


日期: 九月十日 2013
gender = 男性

問: 本人27歲,哩兩年自電髪後不斷脫髪,原以為只是m字額,但現在發覺頭頂頭髮也開始小了,而家我諗是第四期了,看了半年中醫,中醫說我是斑禿,針藥都有用過都甩,想問一問我這是不是雄禿?同埋現在我應否看西醫?看西醫是否那一間也可以?食保記會不會對性供能有很大影響?

答:如有班禿應及早找西医治療! 否則會漫延。可要求家庭医生轉介皮膚專科,保記無用,植髮不宜,速速行動!


日期: 九月三日 2013
gender = 女性

問:你好,我今年23岁,头顶部有脱发现象。查看过您网站上贴出的Bernstein Medical诊所以后,发现上面的信息和案例都很全面,有意去美国进行植发手术。想咨询您Bernstein Medical在美国的地位如何,算是顶尖的植发诊所吗?还是只是网站资料比较全面而手术水平一般呢?望您百忙中抽空答疑,非常感谢!

答:女性並非所有人都適合植髮,建議你先向本地植髮中心作初步評估,再計劃是否外出,也可直接 send 相去 Bernstein 〝打價〞,問下有冇得搞。


日期: 九月八日 2013
gender = 男性

問:你好,我現年26歲,由20歲開始脫髮,初初不以為然,誤信每日掉髮100條屬正常.結果現在越來越明顯,已經是type 4,期間食過P記,用過Minoxidil等產品都沒明顯功效.現時是否應該考慮植髮?是否應該諮詢醫生意見(政府門診醫生?) 如果到植髮公司諮詢醫生意見,我怕他們為了賺錢,不論需要否,都建議我植髮

答:政府門診醫生未必幫到你,佢地好多連乜嘢係植髮都唔知!怕比人騙,睇多幾間,香港植髮醫生一般都唔會好離譜。


日期: 九月九日 2013
gender = 男性

問: 你好, 差不多看完你網頁所有文字, 真的幫助很大, 非常感謝你提供的資料. 我今年35, 有M字額已經很多年, 最近好似越來越嚴重, 很想植髮去重現靚仔的髮線, 但有一點找了很久都無法平息我對植髮的疑慮, 請問是否植了的頭髮便永久不會掉落呢? 有看到好似如果用FUE 不是取用了永久毛囊, 還是會掉髮, 真的有這樣的可能嗎? 另外我看到XX 和YY中心都好像不錯, 可否推介那一間比較好呢?

答:對不起我們不能推介個別中心,失卻中立性。
植了的若是永久毛囊,頭髮可永久不會掉落,但永久毛囊數目個個唔同。用FUE 攞,是有機會取用了非永久毛囊,你如果長命的話是有机會掉髮。


日期: 八月廿六日 2013
gender = 男性

問: 本人今年33歲,5,6年前發現有M字額,但這2年沒有明顯再嚴重(大概第II期),除了額角兩邊,其他地方還好濃密。出街要用髮型來遮,但好容易比風吹散,每次剪髮都好尷尬,也不敢去遊水,都幾困擾我。我發現我全家男性都有同一問題(老豆60歲也沒有地中海,都算幾多頭髮、大我四年的阿哥和我情況差不多),植髮適合我嗎?

答:第II期植髮效果不明顯,一般不建議植髮。


日期: 八月廿三日 2013
gender = 女性

問: 本人18歲,天生額頭很高,請問可否透過植髮改善?價錢大約多少?
現在做植髮會否太年輕?

答:髮線設計要配合職業,18 歲太年青,待找到人生方向才考慮植髮吧!


日期: 八月十二日 2013
gender = 男性

問: 現在雖然有M字額而沒有地中海情況出現,但家族有 現在開始食是否可以預防,因擔心到時才發現有 地中海徵狀已經太遲。
還有食保康絲排尿及精是黃色是否正常,會否對日後有影響

答:保記係處方藥物,我哋都係建議係睇左医生先,上保記網站睇下係有免費睇醫生的。 尿黄精黃唔關事。


日期: 八月九日 2013
gender = 男性

問: 我植了髮約三星期,成個頭都係死皮,大力去抓,甩好多條,唔抓佢,一梳頭又甩好幾條,甩出黎既頭髮有長(本身自然既頭髮),有得1cm長既,我好怕做完手術等於無做,唔該你教下我

答:唔同植髮中心有唔同嘅處理方法,建議你問左医生先。
我地可以俾意見,但怕將來有乜事医生會有藉口話你唔跟足指示。 你問左唔得再聯絡我們吧!


日期: 八月六日 2013
gender = 男性

問: 植我應該會做,但真係唔知幾時植先係正確時間 另外我想問呢保記有冇話建議咩時間食比較好? 我通常係中午既時候食

答:植髮最佳時間:
1. 真係頂唔順自己個Look
2. 錢唔係問題
保記冇話咩時間食比較好, any time


日期: 八月一日 2013
gender = 男性

問: 我現在26歲,沒有M額,頭髮整體還算正常,但頭頂頭髮變得好幼,太陽底下明顯地甩頭髮,是否太年輕不建議馬上植發??在有問有答裏面睇到版主提過P記,什麽是P記??感謝回覆!!

答:不宜植髮,但要考慮用藥物延遲毛囊繼續變幼。 P 記 = 保記 = Propecia = Proscar = Finasteride.


日期: 七月三十一日 2013
gender = 男性

問:你好,我今年20 在18-19歲開始發現有脫髮,經醫生診後相信是雄禿,一開始曾用5%,後來放棄,之後食保記,但保記對我好似唔起作用咁,而家前面已經髮線好高,頭頂亦到好稀,見到頭皮,我諗去到第4期,心情真係好低落,有打算植髮,但我知道貴網站都唔建議咁早做,但面對自己頭頂既問題,真係過唔到自己果關,可以比D建議我嗎? 我應該轉食Proscar或再KEEP住食保記再等幾年睇定D定係其實而家都可以植髮? 保記同Proscar如果一齊食理論上可行嗎?

答:20 發現有脫髮,當然心情沈重,絕對理解。
但你未甩定,很難決定植係邊 - 前定後。
你問嘅問題可睇下最首頁新嘅文章,唔知點解香港咁多人用錯保記!
再講多次,保記係幫唔到前面髮線,食保記的目的係保住個頂,將禿髮停留在第三四期,穩定後再用植髮補番前面,前面兩千幾束己經見得下人,後面 (第六期) 多多都唔够。
食住保記睇住個鏡當然係好失望,你係應該用相機居高臨下影住個頂,留番個紀錄,食住保記四個月後再影番張相對比下,會開心D,有番希望。
保記 = Finasteride 1mg
Proscar = Finasteride 5mg
Finasteride 對頭髮的作用 1mg = 5mg
食多冇用和冇益。
希望幫到你!


日期: 七月廿八日 2013
gender = 男性

問:本人43歲,發現有M字額已有7-8年時間,應屬於II期尾,頭頂還算濃密。因頭髮開前生,遮蓋了M字額,但翻起則覺得頗嚴重和沮喪。多年前亦算過Regaine及保康絲,但發現M字額沒有改善。請問是否可試植髮?

答:43 歲頭頂還算濃密,冇後顧之憂,M字額翻起則覺得頗嚴重和沮喪,植髮會幫到你! 唔好再用藥,冇用的。


日期: 七月廿四日 2013
gender = 女性

問:想問我個仔今年14歲,已全秃幾年,我知不能植髮,但可否將我的頭髮移植到他的頭上呢?

答:你好,你個仔應該係鬼剃頭,唔係雄性禿,絕對不宜植髮,快快睇醫生。
也可睇中醫,睇下食番一輪六味地黄丸會唔會幫到。
另外留意飲食,食番多D蛋白質及維生素B雜。


日期: 七月廿二日 2013
gender = 男性

問:本人 23 歲,大約2年前開始脫髮,已成 M 字型,應該是 type 3,現在開始食保康絲,有無功效?其實 type 3 打後是否一定會去type 5,6 ? 另外聽聞停藥會令生出來的甩出來,萬一將來停藥而甩髮是藥的副作用定自身問題?會否停藥後比食藥前甩得仲勁? 謝謝解答

答:髮線無藥可治,請留意最新文章 www.hongkonghair.com (首頁)
頭頂可用保康絲,八成有效改善。 Type 3 不一定去到 Type 6,不過睇不你外公舅父就大概知你將來變成點。
食食下唔食係唔會更差,而係開始差番,食幾耐幫幾耐。
雄性禿M字額唔係甩頭髮,食住有機會變番粗,唔食當然會變番幼,但記住:
唔食係由幼變到好幼
食食下唔食係由幼變粗再變番幼,拖慢左頭頂稀疏的速度。


日期: 七月十八日 2013
gender = 男性

問:本人31歲,暫沒有明顯脫髮跡象, 有服用保康絲,做了一次植髮1800株,主要用作拉低髮線約1cm, 現在己經8個月, 雖然整體有所生長, 但將頭髮撥高時, 明顯見到與原有頭髮的密度有所分別, 看上去反而似有脫髮初期徵兆。
想請問, 其實植髮的密度是否會比原有的疏, 如果約在12個月後再做多一次植髮,是否可行令植翇區頭髮密度提升至與本頭髮密度相約?

答:8個月頭髮還未完全長出,請耐心等待到 12 個月,有甚麼不滿一定要同醫生商量,他會給你專業意見的,勿慮!


日期: 七月十六日 2013
gender = 男性

問:我十幾二十歲已覺得髮線後移,當時梳好些個頭唔覺,現在二十尾快三十已經明顯是二尾三型頭,頂和兩額最嚴重,頭髮好少點打扮都好明顯,拖左咁耐一直希望佢自己生番怕食藥唔持續會更差。想問有咩方便可以停止脫髪,也想植髮。

答:髮線無藥可治 頭頂可用保康絲,八成有效改善。
食食下唔食係唔會更差,而係開始差番,食幾耐幫幾耐。
植髮就要問醫生。


日期: 七月十日 2013
gender = 男性

問:請問HIV-positive可以做植髮手術嗎?

答:HIV Positive 係可以做植髮,風險與普通人冇分別。但要係醫院做,做足安全,保護醫生同護士。
除左醫院要強制性為 HIV Positive 病人服務外,其他私營植髮中心未必肯做,這並非岐視,D 助手都係打工啫,冇必要將D菌帶番屋企俾 D 仔女,唔通隔離肺炎患者又算岐視? 不過你可以逐間打去問下。


日期: 六月廿三日 2013
gender = 男性

問:我今年20歲,大概年半前開姶有雄性禿,一去就TYPE3, 而家維持左係TYPE3年幾,都係冇再變,但係因為兩邊比較稀,所以成日剪完頭髮都會有D COVER唔到,搞到前面睇落好稀,我想問我適唔適合植髮,唔適合又有咩其他解決方法?

答:唔適合植髮,因你唔知幾時會變 Type4,太早做低條髮線,第日好麻煩。 最好 ..... 等! 冇乜好攪,唔好浪費時間金錢。


日期: 六月廿五日 2013
gender = 男性

問:M字額有得植髪?應該唯傅,而家前額de頭髮越來越幼

答: 嚴重M字額有得植髪,輕微就用住 蓓健先一日一至兩次塗於稀疏部位。


日期: 六月廿八日 2013
gender = 男性

問:我個人30 宜家系TYPE2~TYPE3既程度 可以用胡須移植嗎 是否會再脫

答: 唔建認用胡須移植,因會在面上留下 FUE 的疤痕。但移植了也不會再脫,通常後枕無頭髮可用才考慮。


日期: 五月三日 2013
gender = 男性

問:我係 M 字額(stage 2~3). 去左問某個植髮醫生係香港。佢叫我植2000條。但佢同我講植一次髮唔會好密。通常d人植2之3次先會密。我想知佢講係咪真,定係想呃我去多次比多次錢。

答:佢唔係呃你,因為佢係用 FUE,每次衹可植 2000 條 (1000束),所以要分幾次囉!
衹要束數够一次都會好密!
香港很多醫生都可以一次植 4000條 (2000束)以上,睇多幾個先決定啦!
Stage 2-3 我一般都唔建議做住...


日期: 四月三十日 2013
gender = 男性

問:師兄, 我經你意見加自己分析,去左 XX 植髮, 
想問下係唔係一定要用rogaine? 佢話唔用唔生...
我知用rogaine會令死左既毛囊都會"生髮", 即係植既毛囊要靠藥先生,
唔用可能得7成, 用左9成?

答: 用 rogaine 係個人喜好。
植入的頭髮係唔洗靠 rogaine 的,可能你還有好多毛毛,醫生想打救呢D頻危嘅頭髮,建議用埋 rogaine 双管齊下。
但若你不能堅持每天長期使用,則最好不用,用下停下衰過唔用 ...


日期: 四月廿四日 2013
gender = 男性

問:小弟今年29歲,在3至4年前開始頭髮變幼及髮線向上移,估計現在已經 type II and type III之間的情況(之前睇過醫生,他說是雄性秃)!

  1. 想請問合適做植髮的手術嘛?
  2. FUT是否需要留有疤痕?
  3. 做完植髮手術後,是否永久性,無後顧之憂?
  4. 如果做大約一個港幣5蚊的SIZE,大約要多少錢?
答: 港幣5蚊的SIZE的脫髮,千萬不要做植髮。
你試過屋企油漆未?係未越細範圍嘅地方越難補油?
植髮一樣,後面頭髮同前面唔同,植入範圍太細,好易穿崩。
做完植髮手術後,植入的頭髮係永久性,可惜附近的頭髮未必係永久性,在唔係太差的情況不最好睇定D先,才無後顧之憂。
除左 X-men wolverine外,任何正常人在創傷後都一定留有疤痕,FUE 與 FUT 都有疤,衹是 FUT 的疤雜中在一條線,而 FUE 分佈在整個後枕。


日期: 四月十三日 2013
gender = 女性

問:先天性頭髮少,額頭有點禿,兩邊頭髮少
以前中學脫髮問題嚴重,現在已經沒有問題
想要有一頭濃密頭髮,適合做這項手術嗎?
現時19歲,用薑水洗頭能令頭髮變多不?
如果不行,幾年後可以植髮嗎?

答:先天性頭髮少,用薑水洗頭係冇用的!
現時19歲, 幾年後讓你知道想 keep 乜嘢髮型才植髮吧!
女性髮線起碼有幾款可選擇,但要配合職業 ...


日期: 四月十一日 2013
gender = 男性

問:請問做完植髪手術後,聽說頭部、面、雙眼都會腫脹?

答:不一定,睇醫生技術。


日期: 四月十日 2013
gender = 男性

問:本人今年25歲,有脫髮問題大約有三-四年,主要都係 M 字位,我諗大約都係type2 咁上下,同我同年齡既朋友一般都冇呢個問題,搞到個個去party 整個all back頭,沙灘濕水又唔敢!!但我食左兩年保康絲,但 M 字效果麻麻地,所以想考慮植髮,我想問下我咁既情況一般幾錢到?邊個醫生有信心多d?

答:脫髮是長期抗戰,不會停止,所以要留番D彈藥 (毛囊),Type II 無須做。保記前面係冇用,忍下先 ...
如果頭頂有稀疏可繼續食P記。
如果額角有稀疏食P記都冇用。


日期: 四月十一日 2013
gender = 男性

問:請問做完植髪手術後,聽說頭部、面、雙眼都會腫脹?

答:不一定,睇醫生技術。


日期: 三月廿六日 2013
gender = 女性

善意批評:你好,看了之前的問題及回答部份,有人會問及中醫對脫髮的疑問,但看完回答我認為你們對中醫不認識,所以認為中醫藥無效,我覺得你們這樣是不負責任的行為,你們立場我可以理解,但對不了解的範疇你們不應持任何偏見。
答:你又知我地唔識中醫?
中醫對脫髮的診斷多基於臟腑學說、六因辨証,所謂「腎主骨,開竅於目,其華在髮。」
腎水不足、脾虛、痰火、血陰傷熱、心腎不交、五志化火 ... 等都有機會引起脫髮,要辯症論冶,靈活採用上吐下和温清消補八法處理。虛則補之、實則瀉之;治風先治血、血行風自滅。
唯君不見市面上的生髮中成藥係人都啱食,有違中醫基本核心原理 - 六味地黃湯滋水制火,錢乙用之治小兒五遲之症,八味地黄湯补肾水以制火。主治少时不慎酒色,又加气恼而得之头疼,同一個湯底祇差肉桂、炮附子兩味都陰陽有別,針對不同體質人士,又何來一隻中成藥,萬家皆可服?
我們不是針對中醫藥,是針對中成藥,所謂藥無成方。
中醫是否憑「望聞問切」便能確診脫髮成因,你是搞中醫的,心中有數。雄性禿是因染色體內有某遺傳因子令毛囊對双氫睪固酮過敏,引致頭髮變幼,你覺得有那隻中藥可以改變 DNA 的,請多多賜教。
不過中醫是沒有「雄性禿 Male Pattern Baldness 」這個症的 !用中醫藥治西醫病,合理嗎?
曾見人以頭針耳針治班禿,成效不錯,治雄性禿嘛 ...
辯症施治呀!

註: 在下從學於方剂學教授賴天松,恩師著作有临床奇效新方、中西医汇通常用方剂 (本书收集古、今方剂已有1604 首), 如果一方能冶百病,恩師多年心血豈非白廢?


日期: 三月五日 2013
gender = 女性

問:本人為女性, 頭頂稀疏變軟, 容易出油, 請問哪種植髮技術較適合本人?
答:頭油多與植髮技術有乜關係,反而係你做乜甩頭髮,有冇需要植髮。



日期: 三月三日 2013
gender = 女性

問:你好!你好!我很小的時候(六年班)洗頭髮覺掉頭髮很多,就去看醫生,結果醫生話我是脂溢性皮炎,雄性荷爾蒙過高,開過不少藥和生髮水,斷斷續續用了很多年,一直沒覺得有改善。
17、18歲的時候,因為升學壓力,掉髮問題嚴重了於是又再看醫生。結果有兩個醫生都話我根本不是脂溢性皮炎,而是精神壓力導致脫髮,還說以前都是誤診。
但是我的頭髮的確有變細,而且頭皮很容易出油,洗完頭第二天就會油,油膩東西吃多了,髮根還有一個舊類似油脂粒的東西冒出來,通常油脂粒會包著頭髮,一扣油脂粒就會掉落,然後頭髮也會脫落。現在25歲左右,頭頂和前額頭髮稀少,但是平時掉髮情況感覺正常,洗頭也不會掉太多,但是如果隔個三四天頭髮起油了再洗就會掉很多頭髮。我很想知道自己究竟是不是有病,還有頭頂稀疏的問題我想了解下邊到有醫生可以看脫髮啊?去找皮膚科醫生還是植髮中心的醫生呢?皮膚科的話是屬於專科,需要普通科醫生的轉介信嗎?謝謝!
答:首先女性成世要會因唔同原因脫髮,例如 M come、減肥、考試、失戀、懷孕、收經 ... 所以唔同時間嘅脫髮,成因都可能唔同,說誤診可能唔係咁好。
隔個三四天頭髮起油了再洗就會掉很多頭髮,不用太担心。
我們每天掉一百條頭髮都當正常,你頭油多那些脫髮有可能積住係個頭度,四天洗一次頭自然會多左頭髮在 sink 盤啦!
唔好咁快諗植髮,睇左醫生先。食少D動物性脂肪可能會有幫助,千萬唔可大力梳頭,會令好多頭髮折斷的! 想診斷頭髮的情況是去皮膚科醫生,不是植髮中心醫生。
大部份女性脫髮都會影响捐髮區頭髮,移植弱雞的毛囊不会有好效果。



日期: 三月五日 2013
gender = 女性

問:本人為女性, 頭頂稀疏變軟, 容易出油, 請問哪種植髮技術較適合本人?
答:頭油多與植髮技術有乜關係,反而係你做乜甩頭髮,有冇需要植髮。



日期: 二月廿六日 2013
gender = 男性

純粹情報分享:最近在youtube 看了日本名古屋市立大学院岡嶋研二教授的理論, 他認為同時吸收capsaicin(唐辛子) 及 isoflavone(大豆)是有助生髮, 或新生長的頭髮會更黑更粗. 原因是同時間吸收兩者能促進頭皮的神經, 髮廊產生IGF-1物質有助生髮.
答:多謝分享!



日期: 二月六日 2013
gender = 男性

問:因經濟問題,想在大陸(深圳)植髮,請問他們是否沒有香港的好???
他們的技術是否不及香港.請問你對大陸的植髮醫院有何意見,是否信得過???
我相信很多經濟條件不是很好的香港人,也想知道更多這方面的信息
答:國內十億人口,卧虎藏龍,勁的医生肯定多過香港千百倍。
但作為香港人我們如何知過邊個好邊過唔好?特別是有些吹得太厲害,廿多歲又話專家。
本網祇列出有醫生掛名的植髮中心,國內醫生的資歷我們不清楚,難以置評。
我們對大陸(深圳)植髮的水平所知不深,不能與香港直擇比較,請諒。希望有人搞個「中國植髮網」!



日期: 二月六日 2013
gender = 男性

問:我而家28歲,脫髮情況介乎快到第三階段,而我老豆就地中海。
本身應該話18、19歲就已經有d脫髮情況但並不嚴重,經過多年對比而家明顯薄左、M字位大左。
請問植髮之後係咪有需要食保康絲力保維持下?萬一50 歲頭頂不保咪好畸形?同埋日後有機會再植髮?
答:你担心得非常正確。
所以衹是第三階段,暫時不宜植髮,起碼過左30睇定D才考慮。因過左三十都唔見再甩,就甩極都有限,可以放心將髮線定低D,靚仔D。



日期: 二月三日 2013
gender = 男性

問: 仔細看了貴網頁全部內容,發覺評論非常中肯,及對我們受脫髮困擾而又有意想植髮的人士有頗大幫助 。
現時我想植髮,打算如貴網頁所說,幫襯一些在港已有多年植髮經驗的醫生比較穩妥,但因現時我還未有任何儲蓄,如用信用咭分期付款的話,萬一失業時便會負債累累,所以需慢慢存錢後才能實行,所以想請問一吓,我現時33歲,約第四期左右,若以貴網頁介紹的數間可靠植髮中心為基準,手術總金額約多少呢?
雖然我明白這問題很難答,最好是給醫生檢查後視情況而定,但因我仍未有存款,直接去問有點(運吉),所以想心中有個預算,若做FUT的話,大約存5萬?10萬?還是15萬左右?比較穩陣.同埋係咪(理論上)一次過可解決問題?還是部分人需做兩次手術?即係5至15萬再(乘以2)? 謝謝解答.
答:你應視自己為求診者而非消費者。
建議你往各植髮中心見醫生,了解你的需要。植髮是平有平做,貴有貴做。做多唔一定好,做少唔一定差。
好的醫生是會按你的需要和經濟負擔,給你專業意見,不是推銷。
有錢或冇錢都應受到專重,不要給自己心理壓力,覺得是混吉。



日期: 二月二日 2013
gender = 男性

問:不能去到香港,如在广州,选择哪家医院植发最可值信赖?
答:不是醫院替你植髮,是醫生替你植髮,應找廣州有良好信譽的醫生並要求他親自處理。小心被人當白老鼠給新手操刀!



日期: 一月四日 2013
gender = 男性

問:我今年35, 見醫生話介於4到5期,佢話可以植原本的35% OR 40%量。
想問外觀上2者有什麼差別?如果40%看上去會自然嗎?
我有朋友在大陸堔圳的XX醫院做, 已經2個月了,看上去好似沒有什麼問題, 其實大陸植髮OK的嗎?
答:1. 每間中心的 35% 及 40% 的效果都不一樣,要問醫生攞相比較,信你對眼而唔係數字。
2. 大陸做完2個月冇乜點係乜嘢意思? 頭髮都未出點知好唔好, 自唔自然?大陸最大問題係成日鼓勵人做多束數,搞到冇哂D永久性頭髮...



日期: 十二月六日 2012
gender = 男性

問:您好本人已看了好多植髮機構的網頁,但每個都話自己非常好,有實例所以我應在那裏知道那個機構較有信心保證,本人真的十分希望可以解決脫髮問題。
答:曾經有一個網友用了四年時間搜習資料;睇晒所有討論區,最後的起心肝去了某中心,医生檢查後話太遲冇得做,D人成日高估自己的IQ,以為睇下網就做左專家。 去D植髮中心感受下,好過閉門做車,但一定要見醫生。



日期: 十一月十三日 2012
gender = 男性

問:本人34歲,是III與IV之間之前已食保康絲5-6年,只是没有太大惡化,但乃有脱髮問題,最近以停食一年脫髮即由III向IV惡化,本人是否適合植髮?我能否植兩邊角位為什麼會有些不植角位?那裏收費比較實惠?在醫院做會否有信心保証呢???謝謝
答:是否適合植髮須由醫生決定。
植髮目的是改善儀容,頭髮是放在樣衰的部位,這個位置人人唔同。
那裏收費比較實惠 - 你買嘢定係做手術? 計唔計埋執手尾的費用?
仁安醫院的植髮在美麗華商業中心,同其他中心有乜分別? 養和最低消費八萬!

問:您好,非常感謝你的回覆。 那麼我是不是應該待脫髮情況穩定才見醫生??
答:不是,係自己因脫髮而影响日常生活而唔開心,光頭但冇唔開心都唔洗做。



日期: 十一月十三日 2012
gender = 男性

問:我想搵專業的植髮醫生幫我認真檢查一次我頭髮同頭皮問題?可否介紹給我?因為我真係唔知邊間好?
答:檢查頭髮同頭皮係揾家庭科或皮膚科...



日期: 十一月十二日 2012
gender = 男性

問:URFUT同一般FUT有什麼分別?
答: URFUT 是 FUT 的精細版,一定要用顯微鏡。好似改車咁,FUT係原廠車,URFUT 係合金鈴加 recardo 椅加 momo 呔環加炭纖定風翼頭担,URFUT 並非專利技術...



日期: 十一月十二日 2012
gender = 男性

問:我今年25歲,係屬於頭頂稀疏的類型,並唔係一大片禿個隻,但係就咁睇你對其他提問者既回答,我呢種植髮會有傷左原有毛囊既阻礙,咁咪即係會反而仲無一大片禿既效果咁好?
答:不宜太早植髮。



日期: 十一月十二日 2012
gender = 男性

問:我睇過好多植髮中心既照片,佢地都推介FUE,因為疤痕無咁明顯. 事實上係咪咁? 同埋FUT係咪一定要一條橫線咁拎頭皮,唔係可以係係捐髮區度周圍拎D?
答:你睇過香港幾多間植髮中心嘅照片,話 FUE 冇疤? 仁安衹做FUE,當然話 FUE 天下無敵,你去深井陳記食晚飯,D 伙記會唔會話隔離裕記嘅燒鵝重正。
早排我們踢爆他用 photoshop 製做假照片唱衰FUT。 FUE Show 俾你睇「無疤」的照片,祇是做幾百條植髮,當然不明顯。 試下大家都做 6,000 條,睇下邊個好D。



日期: 十一月十二日 2012
gender = 男性

問:點解 FUT 會比 FUE 毛囊存活率較高?
答:因 FUE 強行拔出毛囊,會傷害其完整性,受傷的毛囊生長差。 此外 FUE 手術時間長,毛囊要放入冰箱儲存 ...



日期: 十一月八日 2012
gender = 男性

問:我今年29歲, 兩邊角位兩年前開始沒有頭髮, 現在應該型成Type II, 可以用植髮解決這問題嗎? 大慨多少束才可以? 選擇用FUE值得信賴嗎?
答:一般Type II 不宜太早植髮,因估計不到是否仍會繼續甩。大慨800 - 1200束。FUE不是最佳選擇。



日期: 十一月六日 2012
gender = 男性

問:hello今年24,2年前因頭頂受過傷剛在轉位,造成左好幾個小洞,最近發覺有脫髪,轉位好稀疏,想請問下,我只有植髪可以幫到我嗎?在國內,例如,流花醫院做植髪安全嗎?還是香港比較好?
答:對不起,我們不是醫生,不能診斷你是甚麽問題,國內植髮我們亦不清楚,無從比較。



日期: 十月十二日 2012
gender = 男性

問:hello請問植髮費用是否按每條頭髮計???還是按每株計???大約要多少錢???植頭髮在香港的成功率是否高??? 植入的頭髮是否一定會生出來並且不會再脫落??? 植髮後的外觀是否很恐怖?可以戴帽遮掩嗎??? 是否危險的手術???
答:你問的太難答,香港至少有七、八間植髮中心,每間的營運方式、技術、收費或植髮效果都不同。 植髮不是產品,不能直接比較



日期: 九月三十日 2012
gender = 男性

問:hello呀 我今年得20 之前因為生頭瘡而令頭頂有個5蚊銀禿位 唔知植髮啱唔啱我? thank you!
答:如果留長頭髮遮到咁就唔駛做, Like 剷光頭則可以考慮。 留意每間植髮中心的最低收費。



日期: 九月二十八日 2012
gender = 男性

問:你好!本人剛 25 old! 但由小學開始 頭頂轉位都比附近幼同疏!本身體毛都比一般人小和長得慢!以你專業意.可以指點一下我嗎!
答:先天性光明頂寸草不生候群症! 轉位避得個唔好搞,特別是年青人,怕將來會越來疏。 到頂唔順有自殺傾向時才考慮吧! 睇唔到做黎做乜? 行出街係人都睇住個 mon 打機,冇人留意的。



日期: 九月十三日 2012
gender = 男性

問:本人36歲只是頭頂轉位稀疏, 有食印度版保康絲(年半), 但好像沒大變化, 請問植髮可以嗎?
答:其實食緊保記沒大變化,已經是work緊,否則個窿會越來越大。 植髮也是解決辦法,可向医生查詢。



日期: 九月十三日 2012
gender = 女性

問:你好,我今年27,我前面头发和中间头发稀疏得超嚴重, 已经是看到头皮了,我做过几次疗程,发现没什么有效,本人性格是急性子, 好想直接去植发ok吗?或者直接上门问个清楚?
答:女士並非所有人都可植髮,一般生髮療程沒有用,建議正接安排見植髮醫生,有冇得做起碼有個知字,無謂浪費時間金錢。



日期: 九月十日 2012
gender = 男性

問: 香港最有实力的植发医院,是那间,谢谢。
答: 對不起,不能推介,免失我們的公信力。



日期: 九月十日 2012
gender = 男性

問: Hi, 我28歲, 我諗是20歲開始脫, now我諗我係type 6, 想做植髮. 但我看你話type 6很難找醫生做... 咁你話我應否試吓, 定死心? 請問若做, 你會 recommend 邊間? 我覺得伍醫生好似幾好...? 多謝你的網頁! 若我3-4年前就看到這網頁就好了... 3-4年前我已開始唔照鏡~ 所以我從來都無諗住做, 只是我女朋友好想我試吓...
答: Sorry 我地唔可以推介医生。
心大心細不如見咗醫生先,有得做恭喜你,冇得做,可無後顧之憂。
好的醫生會給你意見點解決。你冇足夠醫學背境作決定。
一定要帶埋女友,她知你為佢拋頭顱灑熱血,lump 死。



日期: 九月一日 2012
gender = 男性

問: 本人接近三張野,頭髮兩端開始少了許多頭髮,屬於左圖第一型但側面看俾它多好多頭髮,只想預防勝於治僚,我剛剛開始食用維生烏絲素+可蘭5%生髮水,我應該去植髮或是戴假髮呢?? 又或者有什麼更好的方法嗎?最重要又平又實用既方法THX~~~
答: 你一帶假髮就無回頭路!
1. 係人都知你光頭,假髮很易看出,是此地無銀三百両;
2. 見慣假像,接受不到植髮,密度不可能做到假髮的外觀;
3. 有損髮質,加速脫髮
如果維記有效,班中医個個有頭髮,你信中藥可改變遺傳因子?
植髮不是用來預防脫髮的。



日期: 八月三日 2012
gender = 男性

問:本人今年25歲,m字額,看似第3期,由於植髮昂貴,現階段真的負擔不起,請問培健等產品是否有效(如減少掉髮甚至能生髮)?
答: 培健可考慮使用,植髮可過幾年才打算,保記冇用。



日期: 七月三+日 2012
gender = 女性

問: 本人在08年做切除甲狀腺手術後已不停脫髮。去年聽醫生建議做了植髮手術1200條,但過了差不多一年,效果不太理想因之前所植髮數量不夠。醫生說可能要再做多1000條。一想起要重新經歷植髮的過程,我真的十萬個不願意。我想問甲狀腺有問題令荷爾蒙失調,植髮是不是解決脫髮的方法?
答: 女士植髮效果一般不太理想,用 FUE 或 DHI 效果比 Strip / FUT / URFUT 更差。 1200 條=600 束, 1000 條 = 500束 杯水車薪,做了也無明顯改善 ...



日期: 七月廿六日 2012
gender = 男性

問:我剛剛做完植髮手術,醫生曾建議我產短前面頭髮,可以再做密啲,但因我擔心會很異相,故只好放棄,想請問保康絲是否只是對頭頂位置比較有效,對前面位置相對無咁有效,謝謝。手術我認為尚算成功,但醫生話很慣快會再脫髮,想問一般普遍情況,幾時會settle down長出新髮,謝謝。
答: 根據保康絲的研究指出,對頭頂效果達 70-80% (由小小改善到明顯改善),前額則10%左右。 不同技術有不同的康復期,大部份植髮中心都聲稱四至六個月後會長出新頭髮,一般不會建議用 minoxidil 催谷頭髮早生,怕停用時會甩番。



日期: 七月廿五日 2012
gender = 男性

問:植髮會否失敗,42歲,已脫至type VI,大約要植多少株? 植髮後有沒有使用年限?之後保養如何,費用如何。
答:植髮後的使用年限要看植的是不是永久性頭髮,FUE 微創很多時取的都不是永久性頭髮。
Type VI - 找到醫生肯替你做己很好彩! 你担的的不是要植多少株,而是有多少株永久性頭髮可供移值?
失敗與否要看醫生技術。
植髮後無須保養,價錢冇理由問我。



日期: 七月三日 2012
gender = 男性

問:廿四歲,
十五,六歲頭頂轉位已稀疏、前額部份已向後移。因先考慮食保康絲 +/- 用倍健 (外塗、不是洗頭)。半年後沒有效才考慮植髮。但其實我而家可唔可以及早去植髮呢??上網看了好幾間真的不知邊間好邊間不好!!
答: 最簡單是上去植髮中心直接問醫生。
保康絲是處方藥物,不要隨便買。
有個網友脫髮,諗左三年好唔好做植髮,搜查各大小網站,最後的起心肝上去其中一間問,結果醫生話冇得做,浪費了三年時間!
如何治療不應是你的決定,因你唔係醫生。


日期: 七月九日 2012
gender = 男性

問:我是图片第3种。请问去香港植发大概多少钱。同埋要几日?你说大概价格就可以了。
答:我想在國內飲一枝紅酒,請問幾錢一支? 你说大概价格就可以了。
- 資料不足的情況下 (原產地、年份、在甚麼地方飲...),何能報價? 酒況且如此,何況手術。
而且有錢也未必有得做。在香港很多醫生根本不會做第3种的雄性禿,特別是年青人。



日期: 七月六日 2012
gender = 男性

問:我剛剛做完植髮手術,醫生曾建議我產短前面頭髮,可以再做密啲,但因我擔心會很異相,故只好放棄,想請問保康絲是否只是對頭頂位置比較有效,對前面位置相對無咁有效,謝謝。手術我認為尚算成功,但醫生話很慣快會再脫髮,想問一般普遍情況,幾時會settle down長出新髮,謝謝。
答:根據保康絲的研究指出,對頭頂效果達 70-80% (由小小改善到明顯改善),前額則10%左右。 不同技術有不同的康復期,大部份植髮中心都聲稱四至六個月後會長出新頭髮,–般不會建議用minoxidil催谷頭髮早生,怕停用時會甩番。



日期: 六月廿五日 2012
gender = 男性

問:本人廿四歲, 屬type3. 那大概會植多少束才夠? 1000?
答:廿四歲, 屬type3.不建議現時植髮,因可能好快變 type IV. 睇定D好



日期: 六月廿三日 2012
gender = 男性

問:你好,本人四十二歲,呢年幾小便慢及不自然,看過專科話前列腺肥大,看名中醫又話前列腺炎。不過我已停了食中西藥。近大半年頭頂頭髮大量減少,冇力及变幼。跟我前列腺有關嗎?該向那科doctor請教?
答:前列腺肥大與頭頂頭髮大量減少,冇力及变幼,都是由於 DHT 過度活躍引起。服用保列治可一石二烏。
睇泌尿科! 睇中醫冇乜用,因為冇可能根治。



日期: 六月十九日 2012
gender = 男性

問:本人今年40歲,屬TYPE III VERTEX.見有些發問是有關服食保絲康及使用MINOXIDIL BALLEUL.倆者有副作用嗎?對我成效大嗎?或直接植髮哪個此較適合?請回覆,謝謝!
答:一束頭髮大約係 1.8 - 2.2 條頭髮。
40歲 TYPE III VERTEX.可考慮服食保絲康 +/- 使用MINOXIDIL 5%. 副作用可自行上網查閱或請教醫生。 成效對頭頂較大。
可上植髮中心了解,每個人的情況不一樣,正如感冒要點醫一樣!



日期: 六月十九日 2012
gender = 男性

問:本人十分年輕。16,7year old 其實由細到大,個額頭已經好高,細細個已經係咁。甩頭髮既現象又吾多覺。所以我想問植髮會吾會幫到我哩d天生高額頭?同埋咁細個做哩d手術o吾ok?
答:法律上 18 歲以下要家長簽紙方可做手術。 最好 25 歲後才考慮植髮,因靑春期脫髮程度甚難預測,睇定D先啦,唔好心急!



日期: 六月十六日 2012
gender = 男性

問:你好, 我今年十八, 我自少頭髮幼,少,頭頂稀疏,我5%同藥都有用但冇分別. 我經濟能力可以植髮. 想問會傷左原有頭髮嗎? 但我自少都係少同稀疏, 幾年黎都係咁, 除左植髮我都唔知可以點啦,我頭頂好易睇到頭皮, 我看過大陸的中心有頭髮加密的.如果係台灣會唔會好D,
答:未過 24 唔好諗植髮,你肯定未甩定,而家做左後悔一世。年青人見慣自己髮線低,植髮也要求低髮線,他日若你頭頂光左咪好異相!你天生頭髮稀疏何來頭髮覆蓋整個頭?暫時應該冇嘢幫到你。我係勸你唔好做! 有良心的医生都唔應該同你做,無論香港或台灣。



日期: 六月四日 2012
gender = 男性

問:小弟今年25歲, 開始禿禿地頭2,3年, 應該係屬於TYPE IV情況, 所以想去植髮 所以想了解下試左保康絲先定去植髮好先
答:應該同步進行 - 植前面髮線,用藥減慢後面。



日期: 五月十八日 2012
gender = 男性

問:你好,我正在考慮生髮,我知這個網頁主要討論植髮,但看了過整個網頁,覺得非常客觀持平,所以希望問一問貴網頁的專業意見:

  1. 生髮的效果持久嗎(有聞頭髮的生長期為三個月左右,是否做完生髮療程,三個月後,又會回復原狀)
  2. 那一間生髮公司比較好(從效果持久性 和價格作考慮)
答:首先生髮的概念是錯的。
頭髮死了不會重生,雄性禿的成因是頭髮變幼而非數目減少。
生髮中心若果連這概念都攪錯,又如何有成效?
而且佢地全部都係秘方,我又如何得知有冇效呢。
信宗教,可以憑信心;治脫髮,要講證據!
可惜人們不會選擇真相,服保康絲 1.7% 機會影响性慾 - 怕怕!
服唔知乜嘢又唔知有乜副作用更唔知有乜用 - OK 喎!
有 D 生髮中心會 sell 外用抗 DHT 葯物,但大家諗下 common sense ,若果外塗有效,點解藥廠唔食住條水出 「保康絲生髮噴劑」?



日期: 五月+四日 2012
gender = 女性

問:請問需要知道自己脫髮原因才可進行植髮嗎?可以到哪裡查找原因呢? 做身體檢查嗎? 因先前到過數間診所也幫不上忙... 謝謝!
答:可直接向有信譽的植髮中心見醫生,由醫生決定你是否適宜植髮,或需要甚麼檢查。皮膚科醫生很多冇兴趣睇脫髮,你可先向職員查詢。



日期: 五月+二日 2012
gender = 男性

問:本人三十五歲,我的頭頂頭髮已開始稀疏,但未至於禿頭,有M字額,想請問你二月四日之回覆所指 “有机會傷左原有頭髮” 是否指植髮期間植入頭髮時,傷到周邊毛囊? 如有此情況,有何方法可令傷害減少,手術後食保康絲有用嗎?
另外,植髮後幾時可以剪髮?
答:“有机會傷左原有頭髮” 是指在稀疏部位植入毛囊,有機會傷及原有及周邊毛囊,所以若不太嚴重,不宜太早植髮?
手術後才用藥巳太遲,應提早在手術前使用,最有效方法是剷短植入部位的頭髮,以便避開原有毛囊。
手術計劃應由醫生提出意見,何時能剪髮,每間都唔一樣,醫生會告訴你的。



日期: 五月九日 2012
gender = 男性

問:二十五歲有TYPE2 的M字額問題,已經吃了保康絲一年,情況穩定,是否應再等幾年,等待髮線穩定後,才考慮植髮?謝謝
答:Type 2 不用植髮。



日期: 五月八日 2012
gender = 男性

問:本人還只是十九歲的大學生,便已有嚴重的脫髮問題。我十二歲便有脫髮的跡象 ...現在頭頂頭髮仍在,但前額兩角髮線已經上移到很高的地方。我曾經使用倍健生髮水,有效果但我根本未有經濟能力承擔這樣的支出!最後只得暫時停用。我知道一般需要25歲後才可植髮,我想知道,最經濟而有效的植髮,所需要的費用在怎麼樣的水平?我需要現在開始預備....在等到25歲可以植髮的過程中,我應否一邊吃保康絲和塗倍健生髮水?
答:植髮沒有年齡限制,不一定要25歲,有經濟能力時方考慮,有關脫髮的治療可參閱香港討論區  > 髮型心得 > 雄禿自救。
有機會上大學,不應祇為了前額兩角後移便失了自信。這幾年甚麼也不要想,畢業後找到好工作,植多少束都可以。



日期: 二月廿四日 2012
gender = 男性

問:我因撞親個頭...個頭有一處大約有5蚊銀咁大既地方無頭髮生" 咁想問下有無方法可便頭髮再生返
答: 應該是頭皮結疤,所以無頭髮出,沒有毛囊的地方藥物起不了作用,可能祇有植髮才能幫到你。



日期: 二月八日 2012
gender = 男性

問:請問腿毛可以用作植髮之用嗎?
答: 可以,但有三個問題:

  1. 數目不够
  2. 太幼
  3. 生唔長


日期: 二月四日 2012
gender = 男性

問:請問我只是頭頂頭髮開始有些稀疏變軟,且容易出油,還沒開始禿頭,可以先植髮嗎?
答: 絕對不宜,植左又見唔到好大嘅分別,而且有机會傷左原有頭髮,真係頂唔順先。



日期: 一月十五日 2012
gender = 男性

問:我今年24歲,遺傳性脫髮,脫了兩三年了。食保康絲食了剛一年,另外用minoxidil bailleul5%用了兩個月。頭頂有好轉,不過M位就無乜好轉,我應該係type3 vertex。 我想問我M位的毛囊壞死了,還可以植得上嗎?
答: 葯物對 M 字位作用不大,但不要灰心,用药物控制頭頂,減慢失髮速度,就算要植M字位,都因範圍細而平很多。



日期: 一月七日 2012
gender = 女性

問:本人從小至大頭髮十分幼而稀疏, 有時會去電髮根, 令頭髮看來比較豐滿. 但因為電髮根會傷害頭髮, 而且周而復始電髮會令我掉髮情況加劇. 想請教我會否合適做植髮呢?
答: 是否適合植髮主要決定於後枕是否有足夠數目的健康頭髮,與電髮無關。



日期: 十月五日 2011
gender = 男性

問:我想問仁安的專利 DHI 技術與FUE 有甚麽分別?
答: 引用香港討論區雄禿自救 MOREHAIR 的留言: 「"DHI" 其實即係 ‘FUE’ (Follicular Unit Extraction) 毛囊單位切割﹐ 只係佢自己改個名﹐ 令人覺得係佢發明概﹐外國係統一簡稱 ‘FUE'。 其實都唔算新﹐ 都有十幾年﹐ 不過由於價錢貴﹐一般比傳統植髮貴三倍﹐所以普及性始終唔高﹐多用於植眉﹐眼捷毛﹐頭部疤痕等。」 原文



日期: 十月三日 2011
gender = 男性

問:我想問2側既頭髮係唔係唔可以移植?
因為好小會見有人會用2邊既資源做植髮, 是否危險性比較大? 會傷害到神經線?
聽說有D醫生話唔得,有D又話無問題...... 希望能解答, 謝謝~
答: 兩側頭髮較稀疏,偏幼,無論 FUE 或 FUT 留下的疤痕都難掩蓋,–看便知做過植髮,盡量避免使用。



日期: 九月十五日 2011
gender = 男性

問: 本人27歲,因出現M字額,5年前開始食保康絲,因而得到改善,呢幾年都唔覺得有再甩。我知網主同某些醫生都不建議年輕人植髮(因為未甩定,日後可能要再做多次手術),但如我植完髮後keep住食保康絲,你點睇?
答: 可以考慮。
很多人都希望年青時以最佳姿態見人,老左至算。



日期: 九月十日 2011
gender = 女性

問: 我的朋友,天生是一头卷发,永远都长不了,短短的,有什么技术方法可以令到她长出漂亮的长发?谢谢。
答: 不值得! 留短髮算了!任何生髮藥物必須長久使有才有效,停用可能會甩頭髮,你寧願短髮還是稀髮?



日期: 八月廿六日 2011
gender = 女性

問: 我20歲,天生額高又少眉毛,請問適合現在植髮嗎?可以植髮和植眉同時間做嗎? 大約幾耐會見效?謝謝.
答: 需医生評估,無可能網上睇症。衹有 15% 女士適合植髮。
植髮和植眉可同時間。幾耐視乎束數。
植出來的髮線很難做到自然,如果你是靚女,不要冒風險,以免破相!



日期: 八月十八日 2011
gender = 女性

問: 你好,我前額頭髮稀疏得好嚴重,髮線幾乎去到中間先見到。之前我睇過皮膚科醫生,我脫髮GE原因係遺傳性。醫生仲CHECK過我身體狀況良好,無問題..
之後我用 minoxidi, 但生左好多頭瘡,個頭仲勁痕,我自己又驚副作用,所以用左幾個月後決定唔用..
我今年20歲,好擔心頭髮問題,目前覺得只有植髮可以幫到我,想問問:

  • 幾多歲後植髮會比較適合?
  • 植髮適合用來解決我ge問題嗎?
  • 「捐髮區」 的頭髮移到前額,是否代表捐髮區不會再有頭髮生長?
問題比較多,謝謝解答....
答: 一定要後枕頭髮粗壯才能考慮植髮。
醫生會在後枕取出一塊有頭髮的頭皮,再拉埋傷口縫合,所以不會有無頭髮生的現象。
每個醫生都會有自己的準則,要親自檢查才決定是否適合。



日期: 八月十二日 2011
gender = 男性

問: 你好.我想植髮.FUE 同 FUT都了解左. 唯獨是 DHI 唔知好壞.可以詳細解答下佢的好壞嗎? 價錢唔洗講入去.
答: 話 DHI 其實做的是 FUE,佢當然話唔係,祇要取髮和植入分開進行,便不是 DHI (Direct Hair Implant), 因 Direct 是指 「即時植入」 。
純萃個人意見, direct hair implantation 的概念很白痴,從後枕取一束毛囊,馬上要放入植髮器,再植入前面,需時最少 30 秒,即一分鐘最多兩束毛囊,一小時最多 120 束,要植 2400 束 (即 4000 多條) 不眠不休不食不飲不上厠所,也要 20 小時! 用 FUT 6-7 小時搞掂!你話呢?
(我深信這方法是白痴, 法律上不能構成毀謗!)



日期: 七月二十日 2011
gender = 男性

問: 本人23歲, 最近一年多開始頭髮慢慢變得少, 有看西醫, 建議我食藥, 但由於還年青, 不想吃一輩子藥, 我轉了去看中醫, 不知網主你對中醫生髮有沒有研究, 成功例子多不多呢?
中醫師跟我說,毛囊不會死掉,只要把身體調理好,頭髮自然會生長如以前, 你相信嗎?
中醫師說他有50多歲的病人也成功生髮, 雖然比較慢。
答: 視乎診斷。
中醫是沒有「雄性禿」這病名,所以中醫中葯不可能治雄性禿。 祇能治療血氣兩虧腎陰不足的脫髮。 中醫用的是陰陽五行氣血虛實外六因內六因經絡辨証法,西醫用的是解剖生物學病理法,兩個不同的體系,不能混作。
可是,你相信中葯能改變 DNA 嗎?



日期: 六月廿七日 2011
gender = 男性

問: 我已經有鬼挮頭4個月,大約有4個地方好似5毫子咁大都甩左頭髮,有咩方法可以令到個4個地方生返齊D頭髮??
另外可唔可以再比一D防止鬼挮頭出現既建議???
答: 對不起我們不提供治療方法,祇能由醫生處理,因牽涉使用類固醇。



日期: 六月十九日 2011
gender = 男性

問: Hello,我人在北京,希望去香港植发。我发现一个问题,大陆地区普遍推荐FUE,香港则推荐FUT,这是什么原因?是否FUT成活率高一些?THX~
答: 因為 FUE 成本低,醫生無須任何外科經驗,祇要一個助手便可開檔,所以在全世界都受商業機構及連鎖植髮店所歡迎。
FUE sells 的是「微創」、「無疤」,無一個醫生會夠胆話 FUE 的最終效果好過 FUT。
香港及國內我們己發現有不良的植髮中心,偷外國網站的病人手術前後照片,插入自己的網頁扮勁,千萬要小心比較。



日期: 五月五日 2011
gender = 女性

問: 我天生頭髮髮線很高, 就像一個M字頭,我想知道用生髮水可幫助到這個問題?
答: 作用不大 , 生髮水只可幫你生D幼毛出黎, 而且你一唔用又會甩。



日期: 四月六日 2011
gender = 女性

問: 本人於童年時曾接受化療,及後頭髮生長較以前稀疏很多,請問能否用植髮解決?
答: 曾接受化療,及後頭髮生長較以前稀疏很多,不建議用植髮解決:

  • 因化療也會影嚮捐髮區的頭髮
  • 若將來需再化療時會看到後枕的疤痕


日期: 二月十八日 2011
gender = 女性

問: 請問有斑禿可否接受植髮呢? 如用爸爸頭髮可以嗎?
答: 植髮衹適宜因外傷而非皮膚病引起的班禿,不可使用近親的头髮。



日期: 二月五日 2011
gender = 男性

問: 網上很多植髮中心都 post D 植髮前後照片,賣下告白, show 下quali,點樣知道係堅定流?
答: 網上有少部份相是假的。本港有一間醫院有一張手術前照片, 病人全部剷晒頭髮,留意雄性禿係唔會影响後枕及耳上的頭髮,而一般植髮更加唔會植在耳仔上方。
兩旁生番留長左頭髮,哈佢又當係植髮後的效果,唉 ...
另外如果植髮前後都係著番同一件衫,可能是電腦效果。
可以放大睇的一般很難做手脚。



日期: 二月二日 2011
gender = 男性

問: 1)請問我23歲,適唔適合做植髮?
2)植髮有冇下限?例如我額頭只係零零丁丁有一小部分冇左頭髮,想植50~100條,有冇醫生肯做?
答: 唔適合亦唔需要做。
你憑甚麽知道衹要植 50-100 條? 冇醫生會喜歡被病人吩咐做幾多。



日期: 一月十八日 2011
gender = 男性

問: 本人想問一下有關植假髮之問題: 1. 哪裡會提供植假髮服務呢? 即是直接將假髮聯上頭皮那種。2.價錢方面大約是多少呢? 3.植假髮公司有其他實際案例提供嗎? 非常感謝網站作出解答和回應!! 謝謝 ~
答: 植假髮在外國己被禁了很多年啦,植入的物料會引起排斥導至長期爛肉流濃... 是你的仇家告訴你嗎?



日期: 一月十一日 2011
gender = 男性

問: 你好,本人今年24歲。
早前剪頭髮的時候,師傅發覺我頭頂的頭髮比之前稀疏了一點,我自己用鏡看看後,亦發覺頭頂轉位附近的頭髮有點稀疏的,但未至於禿的情況,但這現象已經令我有點擔心。
坦白說,最近工作上的壓力比較大,亦比較缺乏睡眠,請問這會是原因嗎?
如果我由現在開始改變生活習慣,例如早點睡覺或放輕鬆點,頭髮有機會恢復濃密嗎?還是要及早接受治療?
答: 似乎是雄性禿先兆。
脫髮有一條規律: 覺得疏疏地 - 唔見左一半;疏得好明顯,祇餘三成!
你能否從–個人的禿髮程度來判斷他的職業 e.g. 殺手,CID,卧底 (全部都工作壓力大,缺乏睡眠) ? 所以唔關生活習慣事,早D睇醫生及早接受治療。
拯救髮根,唯靠醫生。



日期: 十二月二十八日 2010
gender = 男性

問: 我既情況係頭頂前方有個area冇乜頭髮(大概2個5蚊咁大)。唔係M字額,又唔係地中海。之前食過維康絲冇乜用。
唔知我算係咩問題呢?
答: 最大机會係鬼剃頭,要睇下醫生



日期: 十二月十三日 2010
gender = 女性

問: 你好!我發現自己的頭項分界位開始稀疏,正考慮是否植髮,但本人亦有面毛多加暗瘡多的情況,在你的網頁中建議要 check 下荷爾蒙。
想問如果真是荷爾蒙的問題,又可以怎樣治療呢? 謝謝你!
答: 女性脫髮必先確定成因,再對症下藥,植髮絕非首選。
將問題留給皮膚科醫生吧,若診症時發覺她/他也有禿髮,建議馬上離開,不要浪費診金,若他/她連自己都唔care, 點會幫到你?



日期: 十一月十五日 2010
gender = 男性

問: 你好~其實本只係得23歲,不過幾年前已經見額2個角位有d脫髮,試過用一d生髮用品雖然無特別再脫勁左,不過果2個額頭位都係比較梳,唔知你會唔會知道如果整額位(唔係完全無既情況下),要整幾多束先會夠?又會幾多錢到?
因為其實我都係岩岩出黎做野,真係無咩錢,不過呢樣野對我又好困擾,唔想俾人呃之下,希望問問你意見~!!!
麻煩你~!!
答: 無藥可改善額角位,不用浪費金錢時間。
23 歲不宜植髮,多等幾年吧!宜家整左幾年後當髮線再後移時又要再植過。



日期: 十月二十六日 2010
gender = 男性

問: 你好,我係網上某個討論區聽到人講,有脫髮,去植髮中心度check仲好過皮膚專科,因為有儀器睇清楚d頭髮,會準確d,所以我去左1間植髮中心度想俾醫生睇下,咁我就知自己未嚴重到要植髮既階段,只係想確認下係咪雄禿,但咨詢顧問話醫生唔會普通睇症,只係for植髮既睇症,話普通睇症要去皮膚科,所以最後冇見到醫生,我想問植髮中心係唔係唔會普通睇症,幫你檢查脫髮係雄禿定其他原因?
答: 首先你要明白雄性禿並非脫髮,而植髮是治療雄性禿而非治療脫髲。 不同的植髮中心有不同的營運方法。
有些植髮中心的醫生是全職植髮,而一個手術要六至八小時,如果醫生參與整個手術的話,則未必有時間照顧一般的脫髮病症。
而植髮中心的醫生本身未必是皮膚專科出身,所以不會隨便處理脫髮,因脫髮的成因可能很覆雜,可能需要驗血及切除頭皮組織檢查,而治療方法可能涉及類固醇,亦要定期跟進,由皮膚科醫生跟進會較合適。
而有些植髮中心的醫生可能會有多餘的時間作其他診症,或進行其他美容手術。香港植髮中心的陸宏隆醫生好像有皮膚科資格,可進一步查詢。



日期: 十月二十日 2010
gender = 男性

問: 1. FUE 和 FUT 手术植发的毛囊成活率一样吗?
答: FUT 植发的毛囊成活率比 FUE 高。

問:2.那能否这样理解植发:原先那些稀疏或头发变细不健康的地方的头发都是要掉光的,植发的目的就是要用新的毛囊来取代这些区域的毛囊 所以脱发过程中加密植发和掉光后植发的效果基本上差不多,都是要用健康毛囊替换一遍的。
答:植髮的原意並非要用新的毛囊来取代不健康的毛囊,而是要用最少的毛囊來製做視覺上的效果,改善儀容。加密時有机會傷及原有的毛囊,若病人堅持不剪髮而進行植髮,原有的頭髮會妨礙視線,所以很多醫生會減低植入的密度,效果會不及植入全掉光的區域。

問:如果这样看的话移植手术想一次性根本解决脱发的问题应该不是太可能,可能在短期会有很好的效果,但从长期开看还是会有一些不健康的毛囊脱落,以上是我的理解,请指正。
答:植髮並非是要根治脫髮,而是唔好俾人叫光頭佬,有技巧的醫生衹用幾千束己能達到合理持久的效果。



日期: 九月十四日 2010
gender = 男性

問: 我以前在美國 Dr Limmer 處做過一次 FUT 植髮,效果很好,現在想在香港再做多次,請問有邊間係用顯微鏡做毛囊切割的?
答: 以我們所知有以下三間:
1. 仁安 DHI
2. 眉髮醫學移植中心
3. Dr Eric Lam 植髮中心



日期: 九月一日 2010
gender = 男性

問: 可以用鬍子當作頭髮移植嗎?
答: 可以,一般都是以微創 FUE 提取毛囊,較適合中東人士,但會在面部留下點點的疤痕。



日期: 六月廿三日 2010
name = 光仔
gender = 男性

問: 請問 FUE 與 DHI 有何分別?
答: FUE 是先從後枕取出頭髮,待達到相當數目,才一次過植入,其間可能相隔數小時,所以會減低存活率,進行 FUE 時患者需要面向下躺幾個小時,容易頸痛背痛。

而 DHI 官方網站,強調使用 Direct Hair Implantation 技術, 即是 「即時植入」,頭髮從後枕取出後,馬上放入專利的植髮器 implanter,即時植入禿髮部位,因毛囊離開身體祇有幾秒,無須經過冷藏,另外是在取髮時,病人是坐著的,而非躺下的,這是 DHI 是專利技術,聲稱能提高毛囊的存活率,故收費比 FUE 高 2 至 3 倍,詳情可向本港 DHI 代理查詢。

雖然 DHI 與 FUE 最大分別是 DHI 在取髮時是坐著的, FUE 是面向下躺下的,但現時很多採用電動 FUE 儀器的中心,取髮時病人也是坐著的。



:  有甚麽活動是最傷頭髮的?
:  桑拿是其中之一,高温會影響毛囊,記住頭頂放塊濕毛巾。

:  植髮以每束計算,我怎知醫生會否報大數?
:  如果擔心這醫生呃你一千幾佰蚊,即是說你不信任他,那你應另找一個。記住,你要安心將你僅餘的千百毛囊性命交在他手裏-疑人不用,用人不疑。我們網上列出的植髮醫生無咁 cheap 的。


日期: 五月九日 2010
name = 維仔
gender = 男性

問: 我今年23歲想問一下植髮係唔係最好解決遺傳脫頭髮問題
答: 唔係,因唔知將來會甩成點,太早造手術可能唔夠頭髮埋尾。

問: 還有我是夜班工作人士這樣會不會影響我脫髮?
答: 唔關事,否則飛機師全部光頭。

: 我老豆係光頭 嫁..我想我應該係遺傳脫了.遺傳脫髮逞要係唔係因dht過多影響到脫的好像夜班工作,日常飲食會不會影響到脫頭髮
答: 食太多高脂食物及吸煙會影響到脫頭髮

問: ..你說25歲以下要填2隻角好多醫生都唔做...2隻角是指頭髮那個位置
答: 兩邊鬢角


日期: 四月廿九日 2010
name = Chan
gender = 男性

問: 我上左幾間問, 但個個講ge都差唔多,點揀?
答: 要最平,返深圳,平過台灣,要最好,則睇下醫生講D嘢合唔合理,有冇講其他方法補住唔植嘅地方。



Get free Dreamweaver templates and extensions at JustDreamweaver.com