機械人植髪在台灣



本頁有血腥場面,敬請留意!

FUE 幾年前旋風式興起,跟著出現電動 FUE, 一浪接一浪,又出現了 FUE 嘅另一個版本 - 機械人植髪,吹襲香港台灣韓國日本泰國印度 ... 機械人更被吹捧成植髮的終極方法。

所以最近很多網友查詢有關機械人植髪的資料,但本港可供嘅資訊唔多,連有幾多台都查唔到,唯有問下台灣 D Fans。香港和台灣的機械人同一型號,宣傳攻勢更凌厲,最近更有兩位做左機械人植髪嘅藝人上電視接受訪問,現時已知至少有七台機械人,所以我們也報導一下,俾各位參考下。

* 以下資訊由台灣 Fans 提供,衹反影當地情況及個人意見。

機械人植髪聲稱有以下三大優點:

可以加快攞頭髪嘅速度 - Yes!

絕對同意機械人係可以每分鐘鑽多幾下。但唔好忘記拔出和植入毛囊仍然係人手操作,祇係攞頭髪快左。

可以減少毛囊創傷 - Yes and No

Yes and No - 睇下同邊個嚟比較,你話雷神 Thor 勁嗎? 相對佢細佬 Loki 梗係勁啦,但同 Hulk 就爭一皮。機械人一樣,對比「不習慣執行毛囊摘取 FUE 的醫師亅,機械人當然正好多。但資料顯示,世界上很多頂級嘅 FUE 植髪醫生,包括同球星朗尼做植髪嘅醫生,都堅持用手動。



不留疤痕 -Yes and No

同 FUE 一樣,係唔會有一條長型疤痕,但唔等於冇疤痕,祇不過係分作千幾個白點分佈係後枕,而且機械人用的鑽咀 (1.2mm) 遠大過手動 FUE 用嘅鑽咀 (0.8mm),所以留下疤痕嘅總面積相對係會大左。

我哋相信每一種技術、每一項科技,都有存在價值,但使用者要誠實交待它們的 Pros and Cons。 事實上有一個最大嘅問題,就係呢個機械人,唔係復仇者聯盟入面嘅 Ultron, 更唔係 Vision,唔識自已諗嘢,佢或者可以好快好準咁取頭髪,但係唔識揀頭髪,即係話揀邊條頭髪最終都是人手操縱,即係話機械人最終都解決唔到任何 FUE 所面對嘅難題 - 超越安全區。



移植後的頭髪會唔會甩?


好多網友 send 電郵嚟問我,種左嘅頭髪襟唔襟,我以前可以即刻答你 - 當然襟啦!

可供移植的毛囊

植髪嘅目的,是將後尾枕部份嘅「永久生長毛囊」,移到頭殼頂或額頭無髪之區,臨床證明,呢 D 移植左嘅「永久生長毛囊」,係可以生存好多年,甚至伴你走埋下半生,正呀!

但咁珍貴嘅毛囊,絕對係限量版,祇聚居係後枕兩耳中間、同耳仔前面,面積唔大,呢個位置叫「安全區 Safe Donor Area」,老一輩有良知嘅植髪醫生,都衹會在安全區攞頭髪,因為大家都知道,離開左安全區嘅頭髪,年紀大左會有機會變幼。

  

Donor hair

移植頭髪 RIP

大家都知道,要用微創 FUE 取頭髪,需要好太面積嘅捐髪區,遠遠大過安全區嘅面積,大家唔信,可以喺 Yahoo 或 Google 打 FUE ,然後相片搜尋,就會發現好多有問題嘅相:


  

  

相片裏取頭髪嘅位置,已遠離安全區,有 D 頭髪重係係髪腳攞嘅潻! 係人都知嗰 D 係毛,植左都冇嘢睇,話俾你聽攞左幾千條,錢又收足你嘅,但究竟有幾多成係「可以永久生長嘅毛囊」,當然,當你發現種左嘅頭髪居然會消失嘅時候,已經係好多年後嘅事囉...

所以由而家開始網友唔好再 send 電郵嚟,問我種左嘅頭髪襟唔襟,我答你唔到!






機械人植髪的收費


跟據我哋正義聯盟成員,台灣某醫生的資料提供,採用機械人植髪,每鑽一下,無論毛囊生死,都要按束向 Supplier 繳交「開瓶費亅,對 D 唔熟手嘅醫生,如果抜出頭髪斷得太多嘅話,會血本無歸,所以有 D 非常聰明的植髪中心,會以機械人作招倈,再用以下方法拆解,大家在考慮機械人植髪時,千萬要問清楚收費模式!

1. 將斷左腳或已受傷嘅毛囊當乜事都冇咁如常植入,錢照收;

2. 開機 set 機呀、度位呀、攪到好隆重其事咁用機拔百零條,然後轉用手動拔取餘下數目,節省成本,所以大家一定要問清楚係未機動手動同一收費!






檢視全港的植髮中心

最後更新日期: 2015-5-5

 

 


Get free Dreamweaver templates and extensions at JustDreamweaver.com