一位北上植髮網友的經歷分享

大家在評定植髮醫生的專業資格時,會有一定的困難,因有很多的證書是由所屬的機構或製造商所發出,絕對沒有公信力的,千萬留意。電動 FUE 的出現,是禍是福,全仗手執儀器醫生的良知,但眼見現在的局面,一年間湧現了無數的電動 FUE 植髮中心, 在中國香港台灣各地的脫髮討論區所出現的槍手,恐怕己掀起了世紀大災難的序幕 …

問 :

你好,本人 30,大約係 3-4 期,兩個多月前曾到深圳 XX 醫院做 FUE 高精密植髮,移植了三千多個單位,但我發現我捐髮區變得好少頭髮,他們手術前說不會被發覺的,但現在照鏡我都可以清楚看到捐髮區的頭皮肉,並不如他們所說不會被外人發覺。
我想問這是正常術後現像嗎?之後情況會否有改善?
如不會有所改善,我有無補救方法( 如找另一家再做一次植髮到捐髮區)? 如果真的可以靠植髮植回我後腦稀少的地方,那我應該用那一種植髮方法? 我剛做完第一次植髮兩個多月,我要何時才適可進行第二次植髮?
我現在真的十分困擾,前面新植上去的正在長出來,但後腦的頭髮變得那麼稀少,那位置戴帽子又不能遮著,使我都不敢上街。
希望你們能夠提供一些意見給我,謝謝!

答:

你又受骗了! 你非第一位面對此問題的。
移植了三千多個單位, 即是捐髮區少了 3500 束頭髮 (一般攞 1000 條會有 200-300 條唔用得) ,怎會手術後不會被發覺的! 唔合羅輯。 這絕對是正常術後現像。之後情況會有所改善,但不會完全正常番晒,冇左就係冇左。建議馬上在後枕搽 Rogaine 四個月,每天一至兩次。如無改善,補救方法如下:
•  留長頭髮
•  紋頭皮 Scalp Micropigmentation – 在後枕剌上很多點點,扮頭髮濃密

如找另一家再做一次植髮到捐髮區,咪係得個吉! 同埋係边到攞頭髮? 你後枕重边有头髮捐出? 所以同 FUT / Strip 取皮不同,FUE 的頭髮稀疏係冇計的 (除了上述方法),不可能靠植髮植回後腦稀少的地方。
我明白你的心情,惟有希望前面正常番,將頭髮 all back 向後疏。當然會建議你向其他植髮醫生,寻求專業意見。

 

問 :

我就係想問現在可否 fut 以取皮改善後腦的稀疏問題,我現在真的很想喊。
為什麼當初做 FUT 就會好一點,取下頭皮的位置豈不是空了一大片? 還有做完手術把傷口縫合是把留下的頭皮再縫回頭上,還是把傷口上下的皮縫上, 其實 fut 係咪即係將取髮區上下既頭皮拉緊,縮細左頭皮面積,咁我而家或遲 d 做 fut 取出頭皮植回稀疏位置再縫上仄傷口都唔得呀?那如果我現在再做 fut 對我的情況會否有幫助。
我現在才30歲,我真的不想這樣一世呀!

答:

首先很明白你的心情。暫時不要太絕望,FUE 後捐髪區也有短暫脱髪 Shock Loss 的情況,有機會在四個月後出番 D,好過現有。
但要盡快使用 Minoxidil 5% (蓓健或類似,$200-550 不定視乎牌子,其實除左個盒係冇分別,各藥房有售) ,手術後四個月內使用,效果好D,一日一至兩次,塗或噴在捐髮區,四個月後才用效果差 D 。
當初做 fut 係會好一點,冇錯取下頭皮的位置是空了一大片,但會把傷口上下的皮拉埋再縫上,絕不會出現頭髮稀疏的問题。
但你現在不可能做 FUT 取皮來改善後腦的稀疏問題 ,一般人誤解以為 FUT 的疤很恐佈,但其实衹要留一吋頭髪便遮左睇唔到。可惜你做完 FUE 後頭髮稀梳在,再不能遮到 FUT 的疤,到時重難看。

 

問 :

請問香港邊度有專業的,有醫德的植髮醫生,我想多聽多個醫生的建議,不想再只聽一間的建議就作決定,我知你唔方便公開講,希望你可以私下告訴我,我唔想再一次受騙,我好心痛 d 頭髮,謝謝。

答:

香港的植髪中心我們不想作評語,暗示人地冇醫德係有法律責任,你見我地重來都冇推介植髮中心。不過香港數埋嘅植髪中心都係得嗰幾間,選擇唔算多。
一般 HK 醫生都唔鐘意執大陸手尾特別是 FUE,你可以去 XX 問下,因全香港衹有 XX 齋做 FUE,對處理類似情況應該最有經驗。

2019-10-09T12:21:41+08:0010 月 8th, 2019|未分類|